Almatyda «Almatybasjospar» ǵylymı- zertteý ınstıtýty quryldy
ALMATY. QazAqparat - Almaty qalasy ákimdiginiń qaýlysymen «Almatybasjopar» ınstıtýty quryldy, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
Vedomstvo «Aqparattyq - tehnologııalyq ortalyq» JShS bazasynda jarǵylyq kapıtaly 100% memlekettiń qatysýymen qurylyp otyr.
Qalalyq ákimdiktiń habarlaýynsha, atalǵan ǵylymı -zertteý ınstıtýty Almaty men qala mańyndaǵy aımaqtardy halyqaralyq tájirıbelerge súıene otyryp, damytý jáne qala qurylysyn jobalaýǵa qatysty jobalaý, saraptama jasaý, normatıvti - ádistemelik jumystardy atqarý maqsatynda qurylǵan.
Jańa uıym barlyq jobalaý jumystarynyń jalǵyz úılestirýshisi bolmaq. ıAǵnı qala qurylysy toraptaryn, qurylystyń syrtqy kelbetin, qala boıynsha júrginshi aımaqtaryn jobalaý jumystaryn daıyndap, sheberlik- josparlaryn ázirleıdi.
Eske salsaq, Memleket basshysy bıylǵy jyldyń qyrkúıek aıynda ońtústik astanany damytý jóninde ótken keńeste qala turǵyndary sanynyń ósýine jáne onyń aýmaǵyn keńeıtýge qatysty jasalǵan bas josparǵa jaýap beretin ınstıtýtty qaıta qurý týraly másele kótergen edi.
Foto:almaty.gov.kz
