Almatyda «Almaty jylý» MKK holdıngi quryldy
ALMATY. Qazannyń 28-i. QazAqparat /Erbol Turymbetov/ - Almatyny jylý energııasymen qamtamasyz etýmen bir ǵana holdıng aınalysatyn bolady. Bul týraly búgin Almaty qalasynyń ákimi Ahmetjan Esimov qalanyń ońtústik-shyǵys qazandyǵyn kórý sapary kezinde málimdedi.
«Almaty jylý» MKK quramyna «Almaty jylý jelileri» JShS jáne «Almatyjylýkommýnenergo» JShS kompanııalary kiredi. Ondaǵy «Almaty jylý jelileri» JShS jylý energııasyn berý men taratý jumystaryn atqarady. Al «Almatyjylýkommýnenergo» JShS bý men ystyq sý túrindegi jylý energııalaryn óndirý, berý jáne taratý jumystarymen aınalysady. Sonymen qatar, ony qoldanýshylarǵa baqylaý jasap otyratyn bolady.
«Búginge deıin qalamyzda jylýenergııasynyń jetispeýshilikteri bolyp keldi. Endigide holdıngke jylý sharýashylyǵyn jetkilikti ári ysyrapsyz etý mindetteri qoıylyp otyr», - dedi qala ákimi.
Qalany jylýmen bir ǵana kompanııa qamtamasyz etetin bolǵandyqtan, onyń tarıfteri de birdeı bolmaq. Buǵan deıin jylýenergııa tarıfteri ár kompanııanyń talabyna saı ár túrli bolyp kelgen edi. Qazirgi ýaqytta qala basshylyǵy naqty baǵany belgilep te qoıdy. Ol antımonopolııa agenttiginiń bekitýinen keıin engiziletin bolady.
Qalanyń barlyq qazandyqtary qazir túrlendirý qarsańynda tur. Sonymen birge, gaz ben sýdyń qoldanylý mólsherin eseptep otyratyn, óndirilgen jylýdyń anyq ári naqty kólemin beretin avtomatty jylý eseptegish qurylǵysy engizilý ústinde
