Almatyda Almaty oblysynyń aýylsharýashylyq jármeńkesi ótedi

ALMATY. QazAqparat - 15-16 shildede megapolıste Almaty oblysy aýylsharýashylyǵy taýar óndirýshileriniń jármeńkesi ótedi, dep habarlaıdy QazAqparat tilshisi.

Almaty qalasynyń ákimdigi habarlaǵandaı, almatylyqtarǵa Almaty oblysynyń fermerleri et-sút, jemis-kókónis, shujyq, sondaı-aq, un, jarma, ósimdik, janýar maıy, basqa da ónimderdiń 50-den astam túrin usynady. Ónimniń jalpy kólemi 300 tonna.

«Demalys kúnderindegi» jármeńkeler apta saıyn ótedi. Jyl basynan beri Almaty qalasynda 296 jármeńke uıymdastyryldy. Ónimniń baǵasy ortasha naryqtaǵy esepten 15-20%-ǵa tómen»,- delingen habarlamada.

Aýylsharýashylyq jármeńkesi myna mekenjaılarda ótedi:

1. Almaly aýdany (Gogol - Masanchı kóshesi);

2. Bostandyq aýdany («Qazaqfılm» shaǵyn aýdany);

3. Áýezov aýdany (Abaı dańǵyly - Ótegen batyr kóshesindegi qıylysy);

4. Medeý aýdany (Meńdiqulov - Bekturov kósheleriniń qıylysy jáne Shevchenko - Qonaev kósheleriniń qıylysy).

Jármeńke saǵat 08:00-den 17:00-ge deıin ótedi.