Almatyda «Almaty-Antıterror-2015» oqý-jattyǵýy ótti (FOTO)
ALMATY. QazAqparat- Búgin Almaty qalasynda terrorızmmen kúres jedel shtab toby «Almaty-Antıterror-2015» josparly taktıkalyq-arnaıy oqý-jattyǵý jumystaryn ótkizdi.
Bul týraly Almaty q. TJD baspasóz qyzmetinen habarlady.
Osyǵan baılanysty «GazPromNeft» munaı qoımasy men Boraldaı kentinde ornalasqan Áýejaı oqý-jattyǵý sharasynyń basty nysandaryna aınaldy.
Tóngen qaýip-qater týraly habar kelip túsisimen-aq, jumyldyrylǵan vedomstvolardyń jeke quramy tez arada qaýip tóngen nysandy qorshaýǵa alyp, turǵyndardy qaýipti aımaqtan qaýipsiz jerge kóshirdi. Odan keıin kelissóz júrgizetin top óz jumystaryna kiristi.
Almaty qalasynyń TJ Departamenti órtke qarsy qyzmetiniń qyzmetkerleri munaı bazasynda oryn alǵan shartty órtti «Pýrga-5» órt sóndirgish quralymen sóndirdi.
Búgingi oqý-jattyǵýdyń negizgi maqsaty - búlik shyǵarǵysh lańkestik uıymdardyń qylmystyq áreketteriniń aldyn alý jáne olardy boldyrmaý barysynda tıisti qyzmetterdiń ózara birlesip jumys atqarý mehanızmderin jetildirý, sondaı-aq terrorlyq jaǵdaılarǵa osaldyq tanytatyn nysandarda lańkestik qaýip-qater týyndaǵan jaǵdaıda birlesip jumys atqaratyn qyzmetterdiń daıyndyǵyn pysyqtaý.
«Almaty-Antıterror-2015» oqý-jattyǵý sharalary aıasynda jeke quramnyń 800 adamy, 50-den asa avtokólik jáne arnaıy tehnıka men 2 tikushaq jumyldyryldy.
Osy jattyǵýlarǵa Almaty qalasynyń TJ Departamenti jeke quramynyń 40 adamy men 12 tehnıkasy qatysty.
Aıta ketelik, Aǵymdaǵy jyly Almaty qalalyq jedel shtaby qyzmetiniń lańkestik áreketterge qarsy 9 oqý-jattyǵý sharasy ótkizildi. Olardyń ishinde komandalyq-shtabtyq jattyǵý -1, jedel-taktıkalyq jattyǵý - 2, jeke mashyqtaný - 4, jedel saraptama - 2 jáne saraptamalyq jattyǵý -1 ret boldy.
Sonymen qatar, osy jyly qalalyq ózara birlesip habar taratý kezekshi qyzmetteriniń jumystaryn tekserýde 13 jedel saraptama jumystary uıymdastyryldy.
