Almatyda «Almaly KZ» balalar shyǵarmashylyǵy festıvali ótip jatyr

ALMATY. QazAqparat - Almatydaǵy Naýryz meıramy «Almaly KZ» balalar shyǵarmashylyǵy festıvaliniń gala-kontsertimen jalǵasýda.

Munda elimizdiń ár aımaǵynan, shetelden kelgen jas ánshiler óner kórsetip jatyr. Atap aıtqanda, byltyrǵy festıvaldiń jeńimpazy atanǵan Janna Hvan «Qazaq eli» ánimen kontsert shymyldyǵyn ashsa, Ulttyq delfıı oıyndarynyń laýreaty,astanalyq Muhamedáli Júginisov «Naz qońyrdy» náshine keltire shyrqady. Máskeýden kelgen qatysýshy Nargıza Raımova frantsýz týyndysyn oryndasa, Zulhan Arýjan «Ýletaı týchı» ánin usyndy.

Aıta keter jaıt, bul sharadan keıin Almaty turǵyndary JCS tobynyń kontserti men «Nomad» kaskaderleriniń shoýyn tamashalaıtyn bolady.

Sondaı-aq jurtshylyqty lotereıa oıyndary men túrli qyzyqty vıktorınalar kútip tur. Merekelik kesh otshashýmen aıaqtalmaq.