Almatyda Almaly aýdany 75 jyldyq mereıtoıyn atap ótýde
ALMATY. 7 qazan. QazAqparat /Erlik Erjanuly/ - Almaly - Almatynyń mádenı jáne ǵylymı ortalyǵy. Ony qala ákiminiń 1-orynbasary Máýlen Muqashev búgin Abaı atyndaǵy opera járne balet teatrynda ótip jatqan Almaly aýdanynyń 75 jyldyǵyna arnalǵan saltanatty jıynda aıtty.
"Almaty úshin bıylǵy jyl erekshe. Qalanyń 3 aýdany 75 jyldyq mereıtoıyn atap ótýde. Onyń ishinde Almatynyń mádenı, ǵylymı ortalyǵy sanalatyn Almaly aýdany da bar", - dedi M. Muqashev. Onda aýdan ákimi Marat Pirinbekov Almalyǵa ár jyldary jetekshilik etip, onyń damýy men órkendeýine ólsheýsiz úles qosqan Shámshá Berkimbaeva, Aıgúl Qydyrbekova, Serikbaı Nurǵısaev, Qaırat Tókenov sııaqty azamattarǵa syı-sııapat kórsetti.
Jalpy qazirgi tańda bul aýdanda 19 joǵary, 18 orta oqý oryndary, 29 jalpy mektep jáne 5 mýzykalyq, 4 sporttyq mektep bar. Onda 80 myńnan astam stýdent oqıdy. Bul qala jastarynyń úshten birin quraıdy. Budan bólek 24 myńnan astam balalar men jasóspirimder túrli deńgeıdegi jalpy bilim berý mekemelerinde tálim alýda. Almaly aýdanynda respýblıkalyq jáne jergilikti mańyzy 54 tarıhı, mádenı jáne sáýlettik eskertkishter ornalasqan. Almatyda jastardyń úshten biri shoǵyrlanǵan.
