Almatyda "Alma jarysy" ótedi
ALMATY. 12 qazan. QazAqparat /Erlik Erjanuly/ - Almatyda 16- qazan kúni "Alma jarysy" degen atpen velosporttyń kross-kantrı túrinen qalanyń ashyq chempıonaty bolady.
Bıyl 9-ret ótip jatqan dástúrli bul sharanyń uıymdastyrýshysy ""Velo-Almaty" batamashylar toby, Almaty qalasynyń velosport federatsııasy jáne "Ekstremaldy atletıtka" qoǵamdyq birlestigi. Bul jarys 2003 jyly Kóktóbede ótken bolsa, odan keıingi jyldary Gornyı sadovod kenti men Saıran kólinde ótip kelgen edi. Bıyl ol Almatydaǵy Halyqaralyq shańǵymen tuǵyrdan sekirý kesheninde bolmaq. Onda jas ereksheligine qaraı áýesqoılar arasyndaǵy jarysta - áıelder, jasóspirimder (14-18 jastaǵylar), anderler (19-22 jastaǵylar), erler (23-34 jastaǵylar), ardagerler (35 jastan joǵarǵy) 4 topqa toptaspaq. Sportshylar arasyndaǵy básekede 15-16 jastaǵylar birinshi, al 17-18 jastaǵylar ekinshi topta baq synamaq.
