Almatyda Alla Altynovanyń tuńǵysh kitaby jaryq kórdi
Y. Aqpannyń 2-si. QazAqparat /Názıra Eleýhan/ - Búgin QR Ulttyq kitaphanasynda prozaık Alla Altynovanyń «Roza vetrov» atty oryssha kitabynyń tusaýkeser rásimi bolyp ótti,
dep habarlaıdy QazAqparat.
Atalmysh kitap avtordyń tuńǵysh týyndysy. Kitap 1000 danamen, 2009 jyly qarasha aıynda Sankt-Peterbor qalasynyń
«Propaganda» baspasynda jaryq kórdi. Shyǵarma avtorynyń aıtýynsha, bul shyǵarmany ol 4 aı ishinde, bir demmen jazyp shyqqan. «Qaıdan ekenin bilmeımin, shyǵarma ishki dúnıemnen shyǵyp jatty. Tez arada jazyp shyǵamyn dep oılamadym. Bul qudaıdyń bergeni shyǵar. Negizi ákem jazýshy. Múmkin ákemnen de daryǵan shyǵar», deıdi Alla Altynova.
«Avtordyń shyn aty Ǵalııa Ótepbekova - ol búgingi zamanǵy áıel, kásipker, eki balanyń anasy. Kitap búrkenshek atpen shyǵyp otyr. Shyǵarma orys tilinde jazylǵanmen, qazaqtyń rýhy burqyrap tur. Kitap derekti povest emes, óz ómirindegi bolǵan oqıǵalar men taǵdyr týraly óz pikir, uǵynymyn jetkizgen, kórkem ádebı shyǵarma. Bul kitapti ómirbaıandyq shyǵarma deýge de bolady. Týyndynyń tálimdik tárbıelik máni bar. Avtordy áleýmettik máseleler, ásirese jetim balalar máseleleri, sonymen qatar, otbasy beriktigi men ana mindetiniń mańyzdyly tolǵandyratyny kitapta anyq baıqalady. Qýanysh pen ómir synaǵy, mahabbat pen adal sezim, jaýapkershilik, ar-ojdan, otbasy beriktigi - osy máńgilik taqyryptardyń barlyǵy shyǵarmada kórinis tapqan», deıdi prozaık Úmit Tájikenova.
Alla Altynova 1980 jyly Plehanov atyndaǵy Qıyr Shyǵys saýda ınstıtýtyna túsip, 1986 jyly Almaty Halyq sharýashylyq ınstıtýtyn támamdaǵan. Almaty qalasynda turady. Jeke kásipkerlik isimen aınalysady.
