Almatyda alkogol ónimderin shyǵaratyn 14 jasyryn tseh anyqtaldy
ALMATY. QazAqparat – Almatyda alkogol ónimderin óndiretin jasyryn tseh anyqtaldy. Sapasy kúmándi spırttik ishimdikter Alataý aýdanynda shyǵarylyp kelgen, dep habarlaıdy QazAqparat.
Almaty qalasy boıynsha ekonomıkalyq tergeý departamentiniń mamandary jedel izdestirý barysynda jalǵan aktsız markalary jabystyrylǵan, naryqta óte ótimdi araq túrlerin óndiretin tseh jumysyn áshkereledi.
Nátıjesinde alkogoldi ishimdik quıylǵan 1800 bótelke «Aıdabýlskaıa», «Haoma», «Haoma zerenda», «Capital Black», «Belaıa Loshad» ishimdigi, «Kazahstan» konıagi jáne 4000 aktsız markasy men 1300 tonna spırt tárkilendi.
Atalǵan vedomstvonyń baspasóz qyzmetiniń málimetinshe, osy fakti boıynsha QR QK 233-babynyń 2-bóligine sáıkes qylmystyq is qozǵalyp, sotaldy tergeý jumystary bastaldy.
2019 jyldyń 10 aıynda Almatyda 14 jasyryn tseh anyqtaldy. Zańsyz aınalymnan 30 myńnan astam bótelke alyndy. Sondaı-aq 10 tonnadan astam spırt tárkilendi.
