Almatyda Álııa men Mánshúk alańy abattandyrylady
ALMATY. QazAqparat - Jyl sońyna deıin Álııa Moldaǵulova men Mánshúk Mámetova alańy jóndelip, abattandyrylady. Bul týraly Erbolat Dosaev Almaly aýdanynyń turǵyndarymen kezdesýinde aıtty, dep habarlaıdy QazAqparat tilshisi.
«20-shy maýsymǵa deıin Kúlásh Baıseıitova atyndaǵy jaıaý júrginshiler kóshesin abattandyrý aıaqtalady. Sodan keıin Álııa jáne Mánshúk skverin abattandyrý men rekonstrýktsııalaý jumystaryn bastalady. Jóndeý jumystaryn jyl sońyna deıin aıaqtaý josparda», - dedi qala basshysy.
Onyń aıtýynsha, bıyl aýdanda 69 aýla men az qabatty turǵyn úıdiń 47 qasbetin jóndeý josparda.
«Búgingi tańda 4 úıdiń fasady jóndeldi, al qalǵandary shilde aıynyń sońyna deıin aıaqtalady. Osy jyldyń sáýir aıynan bastap aýdan ákimdigi jasyl aımaqtyń bárin avtomatty sýarý júıesimen jabdyqtap, Dúısenov atyndaǵy jaıaý júrginshiler kóshesi men 7 skverdi modernızatsııalaý jáne kógaldandyrý jumystaryn bastady»,- dedi ol.
