Almatyda alıment tólemeı júrgen 1,7 myń boryshker áke bar

ALMATY. QazAqparat – Bıyl Almatyda alıment tólemegen 68 boryshker ákimshilik jaýapkershilikke tartyldy. Bul týraly onlaın brıfıng barysynda Almaty qalalyq ádilet departamenti basshysynyń orynbasary Jańabaı Aǵmanov aıtty, dep habarlaıdy QazAqparat tilshisi.

«Almaty qalasynyń Ádilet departamentinde problemalyq alıment boıynsha barlyǵy 1776 is bar. Problemalyq alımentterdiń sanyn azaıtý maqsatynda departament jeke sot oryndaýshylarynyń óńirlik palatasymen, polıtseılermen jáne halyqty jumyspen qamtý ortalyǵymen birlesip boryshkerlerdi ákimshilik jáne qylmystyq jaýapkershilikke tartý, sondaı-aq boryshkerlerdi jumysqa ornalastyrý boıynsha ntymaqtastyq týraly memorandýmǵa qol qoıdy. Jyl basynan beri 57 boryshker jumys tapty.

Sonymen qatar, 2022 jyly alıment óndirý boıynsha 68 boryshker ákimshilik jaýapkershilikke tartyldy. Qylmystyq jaýapqa 6 áke tartyldy.

«Boryshkerlerdi ákimshilik jáne qylmystyq jaýapkershilikke tartý atalǵan yqpal etý sharasy tıimdi ekenin kórsetti. Nátıjesinde boryshkerler 85 mln teńgeden astam somaǵa bereshek tóledi», - dedi spıker.