Almatyda alıment tólemegen 16 adamnyń avtokóligi tartyp alyndy
Jetisý aýdanynyń prokýratýrasy jol polıtsııasy qyzmetkerlerimen jáne Almaty qalasynyń jeke sot oryndaýshylarymen birlesip «Alıment tóle» jáne «Boryshker» aktsııalaryn ótkizýde.
«Aktsııa boryshkerlerdiń avtokóligin anyqtaý arqyly alıment bereshegin azaıtýǵa baǵyttalǵan. Tájirıbe kórsetkendeı, avtokólikt alǵannan keıin boryshkerler barlyq qaryzyn birden tóleıdi» delingen prokýratýra habarlamasynda.
Shara barysynda boryshkerlerdiń 16 avtokóligi ustalyp, 2 mln teńgeden astam qaryz tólendi, onyń ishinde osy jyldyń 14 qarashasynda reıd júrgizý barysynda alıment tóleýshiler 1 mln teńgege jýyq aqsha tólegen.
Sonymen qatar, alıment tóleýden jaltarǵan bir azamat jaýapkershilikke tartyldy.
«Osy jyldyń qarasha aıynda alıment tólemegeni úshin sot úkimimen azamat B. QR QK 139-baby boıynsha bir jylǵa bas bostandyǵyn shekteý jazasy taǵaıyndaldy»,-dep habarlaıdy Almaty qalalyq prokýratýrasy.