Almatyda Álıma Omarbekovanyń «Domalaq-Ana» dep atalatyn jeke kórmesi ashyldy

         dep habarlaıdy QazAqparat.

         Bul óner túrin bala kezinen boıyna sińirgen avtordyń kompozıtsııalyq týyndylarynyń negizgi taqyryptary - qazaq halqynyń turmys-tirshiligine, ulttyq qasıetke, ondaǵy óshpes tarıhqa arnalǵan.  Tarıhtan meńzegen «Domalaq -Ana», «Kók ámirshisi», «Dala áýeni», «Syrlasý», «Ómir ıirimi» atty jumystarynda elimizdiń qasıetti jerleri, mádenıetimizben qatar, ata-babalarymyzdyń o bastan ańsap ketken erkindikke, táýelsizdikke qol jetkizgen tarıhymyzdan da syr shertken. Sonymen qatar, kórmege óziniń dúnıetanymyn tanytqan «Tastaǵy tańba», «Ańshy», «Dala áýeni», «Syrlasý» atty gobelenderi qoıylǵan.

         «Sheberdiń kúrdeli de qupııaly syrǵa toly kórkem týyndylarynda ishki jan dúnıesi, oı-tolǵanysy birden aıqyndalady. Basqa sala mamany bolǵanymen Álıma  14 jasynan toqý, tigý, oıý ádisteriniń qyr-syryn jaqsy biletin sheber ıesi. Onyń týyndylary ulttyq maǵyna men mazmunda kórkemdelgen, dúnıetanymdylyǵy jan-jaqty kórinis tapqan. Búginde ol kásibı kórkem toqý óneriniń úlken sheberine aınalǵanyn kórermen qaýyma dáleldep keledi», deıdi QR Sýretshiler odaǵynyń múshesi, ónertanýshy Gúlnar Jubanııazova. Onyń aıtýynsha, ótkenniń sarynyn, búginginiń aqıqatyn, erteńginiń rýhyn áýendetken gobelenshiniń týyndylaryndaǵy ýaqyt pen keńistik qazaq halqynyń bolmysynan, nanym-seniminen, tabıǵattyń tylsym-tirshiliginen habar beredi.

         Kórme jeltoqsan aıynyń 30-na deıin jalǵasady.