Almatyda alǵashqy jartyjyldyqta ındýstrııalandyrý kartasy boıynsha 925 mıllıon teńgeniń 3 jobasy júzege asyryldy

ALMATY. 3 shilde. QazAqparat - Almatyda ekinshi jartyjyldyqta memlekettik ındýstrııalyq-ınnovatsııalyq údemeli  damý baǵdarlamasy boıynsha 17,6 mlrd. teńgeniń 4 jobasy iske qosylady.

 Jalpy Almatyda 28 ındýstrııalyq-ınnovatsııalyq joba boıynsha jumystar júrýde. Olardyń jalpy somasy - 485,2 mlrd. teńge. 2010 jyly jalpy quny 51,9 mlrd. teńge bolatyn 4 joba, al 2011 jyly jalpy quny 171,5 mlrd. teńge bolatyn 9 joba júzege asqan bolatyn. 2012-2014 jyldary 52,5 mlrd. teńgeniń 15 jobasyn  iske qosý josparlanýda.

Aǵymdaǵy jyldyń sońyna deıin júzege asyrylatyn jobalar mynaý:  «GEGA» JShS-niń 15 mıllıard 450 mln teńgeniń azyq-túlik logıstıkalyq ortalyǵyn qurý jobasy. «DOSFARM» JShS-niń 200 mln. teńgelik qoldanystaǵy dári-dármek quraldary óndirisin  GMP halyqaralyq sapa standartyn engizý maqsatyndaǵy jańartý jobasy.  «Bılneks» JShS-niń 91 mln. teńgelik jıhaz óndirisin uıymdastyrý jobasy. «Orgtehstrom» JShS-niń 1 mlrd. 234 mln. teńgelik 1SS, 1AA, 1SS-TVL-M úlgisindegi jáne suıyq júk tasýǵa arnalǵan konteınerler shyǵarý. A synypty stellaj júıesin jasaý jáne shyǵarý jobasy.  «Qazstroıteklo» JShS-niń 319 mln. teńgelik áınekti ónerkásiptik óńdeý zaýyty qurylysynyń jobasy.