Almatyda alǵashqy ónerkásip parki ashyldy
ALMATY. QazAqparat –Almatyda alǵashqy ónerkásiptik parktiń tusaýkeseri ótti, dep habarlaıdy QazAqparat tilshisi.
«Almaty Finance» kompanııasy «Almaty» ÁKK enshiles kásiporny jýrnalısterge Naýryzbaı aýdanyndaǵy «Ala Estate» JShS kompanııasynyń alǵashqy ónerkásiptik parkin tanystyrdy.
Atalǵan nysan «Almaty Business 2025» memlekettik baǵdarlamasy aıasynda ótken jyldyń qarasha aıynda iske qosylǵan.
Almaty Finance kompanııasy Jobalardy súıemeldeý departamenti dırektory Nurjan Sadyqov jýrnalısterge usynylǵan nysandaǵy qoldaý shemasy jóninde aıtyp berdi.
«Jobanyń basty maqsaty qoldanystaǵy óndiristik ǵımarat alańdaryn qaıta jóndeýden ótkizip, jetildirý. Sonymen qatar, osy ónerkásiptik park aýmaǵynda biryńǵaı klaster qurý mindeti qoıyldy. Bylaısha aıtsaq, osyǵan uqsas baǵyttaǵy jobalardy ornalastyrý. Ǵımarat alańy belgilengen tómen baǵamen jalǵa beriledi. ıAǵnı, 1 sharshy metriniń baǵasy 1000-1200 tg teń, al jalǵa berý merzimi 5-7 jyl. Birinshi joba Furtina kompanııasy júzege asyratyn jıhaz óndirisine qatysty. Munda eki ese jetistikke qol jetkizildi. ıAǵnı, biz ónerkásiptik park qurylysyna qoldaý kórsettik. Al onyń aýmańynda bizdiń qoldaýymyzǵa sáıkes, jıhaz jasaý jobasy júzege asyrylýda. Eger ónerkásiptik parkti jyldyq 6% mólsherlememen qarjylandyrsaq, al jıhaz jasaý jobasyna jyldyq 2% mólsherlememen qarajat bóldik. Biz 7 jylǵa deıingi merzimge ınvestıtsııalyq jobalardy júzege asyrý úshin, al 3 jylǵa komıssııasyz kapıtal aınalymyna qoldaý kórsetý maqsatynda jyldyq 2 jáne 6% mólsherlememen nesıe beremiz. Nesıelendirý baǵdarlamalarynyń ereksheligi — biz klıentpen tikeleı baılanysyp, tolyqtaı qyzmet túrlerin usynamyz»– dedi ol.
Almaty Finance kompanııasy ókiliniń aıtýynsha, kásipkerler úshin taǵy da birqatar artyqshylyqtar bar. Atap aıtsaq, jobany qarastyrý barysynda eshqandaı komıssııa alynbaıdy. Búǵan qosa, seriktesterge «Almaty fınans» kompanııasy, Qolday kásipkerlik ortalyǵy, «Almaty» shaǵyn qarjy úıymy ornalasqan «Investıtsııalar úıinde» qyzmet túrleri kórsetiledi. Sondaı-aq, qarajatty bekitý merzimi 30 kúnnen 5-10 kúnge deıin qysqartyldy.
Aldaǵy ýaqytta Almaty qalasynda osyndaı taǵy alty ónerkásiptik parkterdi qurý josparlanýda. Buǵan qosa, ınvestor kreatıvti ındýstrııa, áleýmettik nysandardy salý, óńdeý ónerkásibi jobalaryn damytý, turaqsyz saýda nysandary jelisin damytý salasyndaǵy jobalarǵa qoldaý kórsetpek. Almaty Finance kompanııasy ókilderiniń aıtýyna súıensek, bulardyń qataryna ónerkásiptik parkter, qyzmet kórsetý ortalyqtary, «qoljetimdi jerde» ornalasqan jańa formattaǵy dúkender jatady.
Qazirgi ýaqytta, baǵdarlama aıasynda 6,6 mlrd teńgege 29 joba maquldandy. Olardyń ishinde, 17 joba 5,4 mlrd teńge kóleminde qarjylandyrylyp, 214 jumys orny ashyldy. Sondaı-aq, 1,7 mlrd teńgege teń jobalar qazir qarastyrylý ústinde.
Ortalyq pen perıferııa arasyndaǵy iskerlik klımattaǵy tegerimsizdikti joıý úshin, qalanyń jańa aýdandaryna, onyń shet aımaqtaryna basa nazar aýdarylady.
