Almatyda alǵashqy kópdeńgeıli parkıng osy jyldyń sońynda ashylýy múmkin

ALMATY. QazAqparat – Almatyda alǵashqy kópdeńgeıli mýnıtsıpaldy parkıng ashylady. Bul týraly Bostandyq aýdanynyń turǵyndarymen kezdesýde qala ákimi Erbolat Dosaev málim etti, dep habarlaıdy QazAqparat tilshisi.

«Aldyńǵy kezdesýlerdiń birinde aýdan turǵyndary «Kóktem-3» shaǵyn aýdanynda aıaqtalmaǵan parkıng qurylysyna qatysty másele kóterdi. Ulttyq bank bul nysandy qalanyń balansyna berdi. 267 turaq ornyna arnalǵan alǵashqy kópdeńgeıli mýnıtsıpaldy parkıngtiń qurylysy bıyl jyldyń sońyna deıin aıaqtalady», - dedi Erbolat Dosaev.

Buǵan deıin qala ákimi mundaı avtoturaqtar aýlalardy kólikterden jartylaı bosatatynyn aıtqan edi.

Sondaı-aq, byltyr sáýir aıynda Almatyda aqyly avtoturaqtar qalanyń menshigine qaıtarylǵan bolatyn.

Foto: reatimes.vn