Almatyda alǵashqy qar jaýdy
ALMATY. QazAqparat – Almatyǵa qar jaýdy, qala turǵyndary alǵashqy qardyń sýretteri men beınejazbalaryn áleýmettik jelilerde bólisip jatyr, dep habarlaıdy QazAqparat tilshisi.
«Qazgıdromet» RMK málimetinshe, búgin Almatyda kúndiz aýa temperatýrasy – 1, túnde – 3 gradýsqa deıin tómendeıdi. Bıyl qalaǵa qar byltyrǵydan sál kesh tústi – 2021 jyly almatylyqtar alǵashqy qardy qazan aıynyń basynda qarsy aldy.
Qala bıligi qar túsýine baılanysty avtomobıl júrgizýshilerine dóńgelekti aýystyrýǵa eskertý jasady.
«Joldaǵy qaýipsizdikti qamtamasyz etý maqsatynda avtokólik júrgizýshilerine jazǵy dóńgelekterin qysqy dóńgelekke ýaqtyly aýystyrýdy usynamyz. Jolda kóktaıǵaq ári qozǵalys bóliginde taıǵanaq qabyrshyqtardyń paıda bolýyna baılanysty júrgizýshiler qozǵalys jyldamdyǵyn tómendetip, avtomobılder arasyndaǵy qashyqtyqty arttyryp, kenetten manevr jasaýdan, tejegishti kilt basýdan aýlaq bolǵany jón»,- delingen habarlamada.