Almatyda alǵashqy buqaralyq velosherý ótti
ALMATY. 17 tamyz. QazAqparat - Almatyda halyqaralyq velosherý ótkizýdiń negizgi ıdeıasy - salaýatty qala dástúrlerin qalyptastyrý boldy. Bul týraly búgin Almatyda ótken halyqaralyq buqaralyq velosherýde Velotour.kz bastamashyl tobynyń ókili Vladımır Ivlev aıtty.
Almaty ákimi Ahmetjan Esimov ońtústik astananyń eldiń sport ortalyǵyna aınalǵanyn atap ótti.
«Bul kúnderi qalamyzda voleıboldan álemdik Gran-prıdiń kezekti týry ótip jatyr, alda bokstan álem chempıonaty ótpek. Budan basqa, 6 qazanda Almatyda kásibı velotýr ótedi, oǵan álemniń barlyq túpkirinen sportshylar qatysady. Qalada Halyqaralyq velosport federatsııasynyń ókilderi jumys jasaýda, olar joldardyń sapasyn qadaǵalaýda. Olar velotýr ótetin Shyǵys aınalma avtojolynyń jáne ál-Farabı dańǵylynyń jol jabynyna joǵary baǵa berdi», - dedi qala basshysy.
«Biz velosherý aýqymdy jáne eleýli oqıǵa, álemniń týrıstik kartasynda Almatynyń ózindik brendi bolǵanyn qalaımyz, ol almatylyqtardy ǵana emes, qalamyzdyń qonaqtary men sheteldikterdiń de qyzyǵýshylyǵyn týdyryp, ózine tartady dep oılaımyz», - dedi V.Ivlev.
Uıymdastyrýshylardyń aıtýynsha, velosherýge Qyrǵyzstannan, Ózbekstannan jáne Reseıden sportshylar shaqyrylǵan. Velosherýdiń arnaıy jasalǵan jolbaǵyty ál-Farabı/Táttimbet kóshelerinen bastalyp, QR tuńǵysh Prezıdenti saıabaǵy aldyndaǵy kolonnalar janynda aıaqtaldy. Ákim eńbek sińirgen sportshylarǵa, sondaı-aq jaqynda Qazan qalasynda ótken jazǵy Ýnıversıada júldegerlerine eskertkish syılyqtar tapsyrdy.
Bul sharany Almaty qalasynyń ákimdigi men Velotour.kz qoǵamdyq bastamashyl toby uıymdastyrdy.
