Almatyda alǵash ret júrektiń ótkizgish júıesin stımýlıatsııalaý operatsııasy jasaldy
ALMATY. QazAqparat – Almatydaǵy Kardıologııa jáne ishki aýrýlar ǵylymı-zertteý ınstıtýtynda alǵash ret júrektiń ótkizgish júıesine ımplant qoıyldy. Yntalandyrýshy elektrod júrek yrǵaǵynyń fızıologııalyq deńgeıde bolýyn qamtamasyz etedi. Biregeı operatsııa bes naýqasqa jasaldy, dep habarlaıdy QazAqparat tilshisi.
Dárigerlerdiń sózinshe, júrektiń ótkizgish júıesine yntalandyrýshy elektrodtardy ımplantatsııalaý patsıentke júrek jetkiliksizdiginiń damýyn boldyrmaýǵa múmkindik beredi. Operatsııa kezinde táýekelder az, óıtkeni joǵary tehnologııalyq jabdyq qoldanylady. Ár patsıent úshin shyǵyn materıaldarynyń úlken spektri jeke tańdalady.
«Ótkizgish júıe boıynsha yntalandyrý qarynshaaralyq dıssınhronııa máselelerin sheshýge, júrektiń eki qarynshasyn da dálirek jáne sınhrondy túrde belsendirýge kómektesedi. Bul patsıentterdiń ómir súrý sapasyn jaqsartady. Bul ádis ádettegi oń qarynshalyq yntalandyrýǵa qaraǵanda áldeqaıda tıimdirek», - deıdi Kardıologııa jáne ishki aýrýlar ǵylymı-zertteý ınstıtýty júrek yrǵaǵy men ótkizgishtiginiń buzylýy bólimshesiniń meńgerýshisi Baǵdat Ahyt.
Biregeı operatsııa arıtmologııa salasy boıynsha halyqaralyq deńgeıde moıyndalǵan maman Polsha medıtsınalyq ýnıversıtetiniń professory ıAtsek Gaektiń qatysýymen ótti. El aımaqtarynan kelgen mamandar bilikti dárigerdiń dárisin tyńdap, tájirıbesin kóben kórdi.
«Men Qazaqstanǵa operatsııaǵa shaqyrtý alǵanyma óte rızamyn. Bul – meniń ekinshi saparym. Bul ádis júrek jetkiliksizdigi bar naýqastar úshin óte tıimdi. Aralasýdan keıin patsıent qosymsha dári-dármek terapııasyn qajet etetin ilespe patologııa bolmaǵan jaǵdaıda kelesi kúni aýrýhanadan shyǵaryla berse bolady», - deıdi professor.
Yntalandyrýshy elektrod ımplanty 10-12 jyl qyzmet etedi. Ýaqyt kelgende qaıta aýystyrýǵa bolady.
Kardıologııa jáne ishki aýrýlar ǵylymı zertteý ınstıtýtynyń basqarma tóraǵasy Marat Pashımovtyń sózinshe, dárigerler jaqyn jáne alys shet elderdegi túrli sheberlik sabaqtaryna jıi qatysady.
«Biz jańa tehnologııalardy engizý arqyly zamanaýı medıtsınalyq úrdister men standarttardy ustanýǵa tyrysamyz. Mamandarymyzdy jaqyn jáne alys shetelderdegi túrli sheberlik sabaqtaryna jiberip turamyz. Úzdik dárigerlerimiz óz áriptesterin bizdiń ınstıtýtta jáne óńirlerge baryp oqytady. Demonstratsııalyq operatsııalaryn júrgizýmen tájirıbe almasý mamandarǵa kásibı qyzmette qajetti bilimderi men daǵdylaryn jetildirýge múmkindik beredi», - deıdi Kardıologııa jáne ishki aýrýlar ǴZI basqarma tóraǵasy Marat Pashımov.
Aıta keteıik, júrektiń ótkizgish júıesine yntalandyrýshy elektrodtardy ımplantatsııalaý operatsııasy mindetti medıtsınalyq saqtandyrý boıynsha naýqastarǵa tegin jasalady.
