Almatyda alǵash ret stend atýdan álem chempıonaty ótedi
ASTANA. QazAqparat - 16-25 mamyr kúnderi Almatyda aýqymdy sporttyq shara ótedi. Elimiz alǵash ret ISSF World Cup Shotgun Almaty 2014 stend atýdan álem kýbogyna qatysýshylardy qabyldamaq, dep habarlady A. Asanov atyndaǵy stend atý klýbynyń baspasóz qyzmetinen.
Bul halyqaralyq týrnır Aleksandr Asanov atyndaǵy stend atý klýbynda ótip, oǵan álemniń 47 eliniń úzdik mergenderi jınalatyn bolady.
ISSF World Cup Shotgun Almaty 2014 stend atýdan álem kýbogyna qatysýshylardyń sany 500 adamnan asyp jyǵylady dep kútilýde. Olardyń qatarynda ǵalamshardyń úzdik surmergenderi de bolady. Jarys skıt, trap, dýbl-trap syndy úsh sanatta ótedi. Nagradalardyń mynadaı bes jıyntyǵy sarapqa salynady: skıt (erler men áıelder), dýbl-trap (erler), trap (erler men áıelder).
Álem kýbogyna keletin mártebeli meımandar qatarynda Halyqaralyq sporttyq atý federatsııasynyń bas hatshysy Frants Shraıber, Kýveıttiń Sporttyq atý federatsııasynyń prezıdenti Dýaıdj ál-Otaıbı bolatyndyǵy ári olardyń jarystyń ashylý rásimi men jeńimpazdardy quttyqtaý sharasyna qatysatyndyǵy kútilýde.
