Almatyda alǵash ret "Saıahat -Qys-2010" jármeńkesi ótip jatyr

14 qarashaǵa deıin jalǵasatyn bul sharaǵa elimizdiń 40-tan asa týrıstik kompanııalary qatysyp, qysqy maýsymdaǵy saıahat joldamalaryn usynýda.

Sharany uıymdastyrýshylardyń biri "ARNAI" týrıstik kompanııasynyń bas menedjeri Ryskúl Bókishevanyń aıtýynsha, jármeńkeniń negizgi maqsaty - eń myqty týroperatorlardyń qystyq týrıstik joldamalaryn halyqqa jarııalap, tikeleı baılanysý jáne halyqqa qandaı qyzmet kórsete alatyndyqtaryn bildirý. "Osy qysqy joldamalar aıasynda sheteldikterdi alda kele jatqan VII Qysqy Azııa oıyndaryna shaqyrýdamyz. Týrısterdi qamtý úshin 9 fırma agenttik qyzmetti atqarýda", - deıdi R. Bókisheva.

Sondaı-aq ol týrfırmalar buryn Túrkııa, Emıratqa joldama berip júrse, qazir onyń aıasy keńeıip, basqa da qalalarǵa saıahat joldamasyn ázirlegendigin aıtyp ótti.

Elimizdiń kóptegen sanatorııalary men demalys, saýyqtyrý oryndary da osy jármeńkeni qoldap, qatysýǵa nıet bildiripti.