Almatyda alǵash ret «Qazaqstannyń úzdik muǵalimderiniń baly» forýmy ótti
ALMATY. 6 qazan. QazAqparat - Almatyda QR Bilim jáne ǵylym mınıstrliginiń bastamasymen eldiń úzdik pedagogtaryna arnalǵan alǵashqy «Qazaqstannyń úzdik muǵalimderiniń baly» respýblıkalyq forýmy uıymdastyryldy.
Baldy QR Bilim jáne ǵylym mınıstri Baqytjan Jumaǵulov ashty. Eldiń bas pedagogy áriptesterin kásibı merekemen quttyqtap, olarǵa tabystar, mártebeli ári qajetti kásipterinde ıgi bastamalar tiledi.
Saltanatty shara aıasynda Qazaqstannyń úzdik pedagogtary gramotalarmen jáne medaldarmen, estelik músinshelermen jáne 1 618 000 teńge kólemindegi syıaqymen marapattaldy.
Baıqaýǵa barlyǵy 4 myńnan astam pedagog qatysty. Respýblıkalyq komıssııanyń sheshimi boıynsha olardyń 48-i ǵana joǵary ataqqa jáne aqshalaı syıaqyǵa laıyqty boldy.
Uıymdastyrýshylardyń pikirinshe, Qazaqstannyń úzdik muǵalimderin zaıyrly bal formatynda, klassıkalyq óleń áýenderimen marapattaý bastamasyn Muǵalimder kúnin merekeleý aldyndaǵy jyl saıynǵy ádemi dástúrge aınaldyrý josparlanýda.
