Almatyda alǵash ret Astana kúnine oraı túngi velojarys ótkizildi (FOTO)
ALMATY. QazAqparat- Almatyda alǵash ret Astana kúnine oraı 4 myńnan astam qala turǵyndary qatysqan túngi velojarys ótkizildi.
Velojarys dástúrli túrde Ál-Farabı dańǵyly men Táttimbet kóshesiniń qıylysynda bastalyp, «Suńqar» Halyqaralyq shańǵy tramplınderi kesheni aldynda aıaqtaldy. Atalmysh shara belsendi demalysty qoldaıtyndar úshin asa bir qýanyshty oqıǵa boldy.
Velojarysqa Almaty qalasynyń ákimi Ahmetjan Esimov, sondaı-aq BAQ ókilderi de qatysty.
- Biz osyndaı básekelerde kóńilimiz kóterilip, bir jeńildenip qalamyz. Jańa kúsh-qýat paıda bolady. Ásirese, súıikti Astanamyzǵa arnalǵan atalmysh sharaǵa atsalysqanyma óz basym óte qýanyshtymyn. Astanalyqtardy bul merekemen shyn júrekten quttyqtaımyn!",- dep óz pikirimen bólisti jýrnalıst Aıjan Qurmasheva.
Jeńimpazdarǵa baǵaly syılyqtar tabys etildi.
