Almatyda alǵash ret ashyq aspan astynda kıno týyndylaryndaǵy úzdik áýender oryndalady
ALMATY. QazAqparat - Almatyda qazaq jáne keńes kezeńi men álem kınematografııasyndaǵy úzdik áýender orkestrler festıvalinde oryndalady, dep habarlaıdy QazAqparat tilshisi qalalyq ákimdikke silteme jasaı otyryp.
Almatyda Qala kúnin merekeleý aıasynda ashyq aspan astyndaǵy Orkestrler festıvali 8-9 qyrkúıek kúnderi shymyldyǵyn ashady. Respýblıka saraıy aldyndaǵy Abaı alańynda, ashyq aspan astynda ótetin «Orkestrler festıvalin» Muqan Tólebaev atyndaǵy halyq aspaptar orkestri ashady.
Qalalyq ákimdiktiń habarlaýynsha, mýzyka merekesiniń alǵashqy kúni dırıjer Álı Demegenuly Alpysbaev jetekshilik etetin Muqan Tólebaev atyndaǵy halyq aspaptar orkestri men «Sazgen Sazy» folklorlyq-etnografııalyq ansambli óner kórsetedi. Bul kúni álemniń jáne qazaqtyń uly kompozıtorlarynyń kompozıtsııalary, sondaı-aq, álem halyqtarynyń mýzykalyq shyǵarmalary oryndalady.
Festıvaldiń ekinshi kúni qala turǵyndary men qonaqtary úshin myńdaǵan tyńdarman júreginen oryn alǵan qazaq jáne keńes dáýiri men álem kınematografııasyndaǵy tanymal, úzdik áýender oryndalady.
Kompozıtsııalardy Aleksandr Belıakov jetekshilik etetin Almaty qalasy ákiminiń estradalyq-sımfonııalyq orkestri men Qanat Ahmetov jetekshilik etetin QR Memlekettik úrmeli aspaptar orkestri súıemeldeıdi.
