Almatyda áleýmettik taqyrypqa qalam tartyp júrgen jastar marapattaldy
ALMATY. 27 jeltoqsan. QazAqparat /Erlik Erjanuly/ - Keshe Almatyda «Qazaqstan halyq banki» AQ men «Qazaqstan jýrnalıster odaǵy» qoǵamdyq birlestigi áleýmettik taqyrypta qalam tartyp júrgen jas qalamgerlerdi marapattady.
Uıymdastyrýshylar olardy arnaıy dıplom men sandyq fotokameralar tabys etti. Bul qurmetke «Áleýmettik proza» atalymy boıynsha «Baqyt kilti» degen maqalasy úshin Merýert Іlııasova, «Áleýmettik keńes» atalymy boıynsha «Oshıbka tsenoıý zdorovıa» maqalasy úshin ıÝlııa Semılıakova, «Áleýmettik lırıka» atalymy boıynsha «ıA plagıata ne prıemlıý...» óleńder toptamasy úshin Aleksandr Strelnıkov ıe boldy.
«Halyq banki úshin áleýmettik máseleler taqyryby etene jaqyn. Biz búkil Qazaqstan boıynsha óz qamqorlyǵyndaǵy balalar mekemeleriniń tárbıelenýshilerine bilim berý, shyǵarmashylyq ónerlerin, sondaı-aq dene shynyqtyrý men sportty damytý baǵytyndaǵy birqatar áleýmettik jobalardy qolǵa alyp, júzege asyrýdamyz. Áıtse de, búgingi marapattyń máni erekshe deýge bolady. Bizdiń maqsatymyz - jas qalamgerlerdiń qoǵamdaǵy áleýmettik máselelerge qyzyǵýshylyǵyn arttyrý», deıdi banktiń Basqarma tóraǵasynyń orynbasary Stanıslav Kosobokov. Al «Qazaqstan Jýrnalıster odaǵy» qoǵamdyq birlestigi basqarmasynyń tóraǵasy Seıitqazy Mataevtyń aıtýynsha, búgingi kúni áleýmettik máseleler taqyryby aıtarlyqtaı jıi kórsetilmeı, ózektiliginen birshama aırylyp qaldy. Sebebi jýrnalıster qaýymy aqyly materıaldar jazýdyń sońyna túsip ketti. Áıtse de, bylaıǵy jurtshylyq úshin áleýmettik másele óz mánin joıǵan joq jáne mundaı materıaldar oqyrmandardyń keń aýqymy úshin shynaıy ózekjardy másele bolyp tabylady.
