Almatyda áleýmettik salaǵa taǵy 23,1 mlrd teńge bólindi
ALMATY. QazAqparat - Almatyda VI shaqyrylymdaǵy qalalyq máslıhattyń XLIII sessııasy ótti, dep habarlaıdy QazAqparat tilshisi.
Sessııa barysynda jergilikti bıýdjetti qaıta naqtylaý máselesi kóterildi.
Ákimshilik aıyppuldardan, memlekettik satyp alýlardan túsetin túsimderden, sondaı-aq shyǵyndardyń qaıta bólinýine baılanysty bıýdjet qarajaty esebinen 23,1 mlrd teńge basymdyqty jobalar men áleýmettik mańyzy bar is-sharalardy iske asyrýǵa baǵyttalatyn boldy.
Onyń ishinde 584,6 mln teńge densaýlyq saqtaý salasyna, halyqtyń áleýmettik qorǵalmaǵan toptaryn qoldaý úshin - 4,1 mlrd teńge, turǵyn úı-kommýnaldyq sharýashylyqty damytýǵa - 9,8 mlrd teńge, qalany abattandyrýǵa - 5,6 mlrd teńge, qaýipsizdik sharalaryna - 211,3 mln teńge, mádenıet, sport jáne aqparattyq keńistik - 1,8 mlrd teńge, jol jáne kólik ınfraqurylymyn damytý úshin 826,5 mln teńge bólinetin bolady.
