Almatyda áleýmettik mekemelerge beınebaqylaý júıesi ornatylady
ALMATY. QazAqparat - Almaty qalasy ákiminiń orynbasary Erjan Babaqumarov QR adam quqyqtary jónindegi ýákil Elvıra Ázimovamen birge onlaın formatta áleýmettik nysandarda beınebaqylaý júıesin ornatý máseleleri boıynsha vedomstvoaralyq keńes ótkizdi, dep habarlaıdy QazAqparat tilshisi.
Keńes Memleket basshysynyń «Jańa jaǵdaıdaǵy Qazaqstan: is-qımyl kezeńi» atty halyqqa Joldaýynda berilgen penıtentsıarlyq mekemeler men polıtsııanyń arnaıy úı-jaılaryndaǵy barlyq «kórinbeıtin» ýchaskelerdi qamtıtyn beınebaqylaý júıesin engizý týraly tapsyrmalardy iske asyrýǵa qatysty ótti. Áleýmettik nysandardaǵy «kórinbeıtin» aımaqtardy baqylaýdaǵy basty maqsaty adam quqyqtaryna sáıkes kelmeıtin ótinishterden qorǵaýdy nyǵaıtý. Sondyqtan Almatynyń medıtsınalyq-áleýmettik mekemelerinde kórinbeıtin aımaqtardy joıý josparlanýda.
Qazaqstan Respýblıkasyndaǵy adam quqyqtary jónindegi ýákil Elvıra Ázimova beınekameralardy ornatýdyń belgilengen maqsattary men mindetteri belgilengen biryńǵaı normatıvtik qaýly ázirlenetinin habarlady. Bul rette «kórinbeıtin» aımaq termıni jeke keńistik oryndaryn, gıgıenany (dýsh bólmeleri jáne t.b.) jappaı, quqyqtyq tártip kepili men adam quqyqtaryn saqtaý arasyndaǵy teńgerimdi saqtaıdy.
Bul jumys qoǵamdyq baqylaýdy kúsheıtýmen qatar júrgiziledi. Tıisti usynystardy qoǵamdyq senimniń Ulttyq Keńesiniń múshesi, adam quqyqtary jónindegi ýákil janyndaǵy úılestirý keńesiniń múshesi, «Adam quqyqtary úshin Hartııa» qoǵamdyq qorynyń atqarýshy dırektory Jeńis Turmaǵambetova, adam quqyqtary jónindegi ýákil janyndaǵy úılestirý keńesiniń múshesi, Ortalyq Azııadaǵy PRI ókildiginiń basshysy Janna Nazarova aıtty.
Óz kezeginde, Bilim mınıstrligi men qala prokýratýrasynyń ókilderi zańnama men bala quqyqtarynyń talaptaryn saqtaı otyryp, beınebaqylaý ornatý boıynsha, sondaı-aq mektepke deıingi mekemeler men mektepterdiń tájirıbesi týraly usynystaryn jetkizdi.
Beıne-konferentsııa baılanys júıesi boıynsha Almaty qalasy Polıtsııa departamentiniń beınebaqylaý júrgizý jáne derekterdi saqtaý jáne olardyń qoljetimdiligi boıynsha jınaqtalǵan oń tájirıbeni qarady. Almatynyń Polıtsııa departamenti aqparattandyrý jáne baılanys basqarmasynyń basshysy Olga Agafonova Jedel basqarý ortalyǵynyń jumys prıntsıpin tanystyrdy.
Keńestiń qorytyndysy boıynsha Almaty qalasy ákimdiginen bir taraptan bilim, qoǵamdyq densaýlyq saqtaý, áleýmettik ál-aýqat basqarmalary jáne Qazaqstan Respýblıkasyndaǵy Adam quqyqtary jónindegi ýákil, «Adam quqyqtary úshin hartııa» qoǵamdyq qory arasyndaǵy «kórinbeıtin» aımaqtardy joıý jónindegi kelisim qabyldandy.
Almaty qalasy ákiminiń orynbasary Erjan Babaqumarov qalalyq bilim, densaýlyq saqtaý basqarmalaryna, sondaı-aq kelisim boıynsha – áleýmettik ál-aýqat basqarmasyna birqatar naqty tapsyrmalar berdi.
