Almatyda áleýmettik mańyzdy jobalardyń kórmesi ótti

dep habarlaıdy QazAqparat Almaty qalasy ákimdiginiń baspasóz qyzmetine silteme jasap.

Almaty qalasy Іshki saıasat basqarmasy áleýmettik mańyzdy jobalardy oryndaý maqsatynda qyzmet kórsetýdi satyp alý boıynsha jyl saıyn úkimettik emes uıymdar úshin ashyq konkýrstar ótkizýde.

Eýrazııanyń iri mádenı-ǵylymı jáne qoǵamdyq-saıası ortalyǵy retinde Almaty qalasy ómiriniń barlyq salasy joba taqyryptarynda qamtylǵan.

Shara barysynda dóńgelek ústelder men qoǵam damýyndaǵy ózekti máselelerdi talqylaý semınarlary men qatar naqty birqatar jobalar júzege asyrylǵandyǵy aıtyldy. Mysaly, erekshe qajettilikteri bar azamattarǵa jáne aýǵan soǵysy ardagerleri úshin jumyspen qamtý qyzmetin qurý, Azıada-2011 qarsańynda Almaty qalasyn tanystyratyn beınerolıkter men Jeńistiń 65-jyldyǵyna arnalǵan estelik galereıa kitaby shyǵarylǵan. Sonymen qatar qalanyń boı kótergen kúninen bastap búgingi ýaqytqa deıingi basshylary jaıynda derekti fılm túsirilgen.

Sondaı-aq kórme aıasynda Qazaqstannyń EQYU-ǵa tóraǵalyq etý sheńberinde úkimettik emes sektorǵa áleýmettik qyzmet kórsetýdiń halyqaralyq standarttary tanystyrylyp, ÚEU-dyń memlekettik -áleýmettik tapsyrysta tıimdi qatysýy boıynsha sheberlik dárisi ótkizildi.

Sonymen qatar jumyspen qamtý jáne áleýmettik baǵdarlamalar basqarmasy, densaýlyq saqtaý, tilderdi damytý, tabıǵı resýrstar jáne tabıǵatty paıdalanýdy retteý basqarmalary da ÚEU-men birige otyryp atqarǵan jumystaryn tanystyrdy.