Almatyda Áleýmettik qorǵaý júıesi qyzmetkerleriniń kásibı merekesi atap ótildi (FOTO)
Óziniń alǵy sózinde ol búginde Almatyda bul salada 2,5 myńdaı áleýmettik jumysker eńbek etetindigin atap ótti.
«Bul mereke - ómirin muqtaj jandarǵa kómek kórsetetin jandarǵa arnalǵan. Sizderdiń jumystaryńyz kúrdeli. Buǵan asa shydamdylyq, bilim, tájirıbe jáne erekshe daǵdy qajet. Bul mamandyq kópshiligińiz úshin ómirlik kásipke aınaldy. Elbasy óziniń "Qazaqstandy áleýmettik jańǵyrtý: Jalpyǵa Ortaq Eńbek Qoǵamyna qaraı 20 qadam» atty maqalasynda táýelsizdik jyldary Qazaqstanda áleýmettik memlekettiń myqty irgetasy qalanǵandyǵyn, áleýmettik damýda respýblıkamyzdyń jańa sapaly deńgeıge kóterilgendigin atap ótti. Elimizde áleýmettik qorǵaý modeli jasaldy. Ol bazalyq memlekettik áleýmettik qamsyzdandyrý, mindetti áleýmettik saqtandyrý, jınaqtaýshy zeınetaqy júıesi jáne áleýmettik kómek kórsetý baǵyttaryn qamtıdy», - dedi B. Baıbek.
Sonymen qatar, qala basshysy búginde Almatyda bir Jumyspen qamtý ortalyǵy jáne 9 medıtsınalyq-áleýmettik mekemeler qyzmet kórsetetindigin aıtty. Sondaı-aq, áleýmettik qyzmettiń 40-qa jýyq túri kórsetiledi. Bul salaǵa qala bıýdjetinen jyl saıyn 7 mlrd. astam teńge bólinedi.
Óz kezeginde QR Densaýlyq saqtaý jáne áleýmettik damý vıtse-mınıstri Svetlana Jaqypova da áleýmettik jumyskerlerdi ózderiniń tól merekelerimen quttyqtap, olarǵa tabystar tiledi.
Osydan keıin B. Baıbek pen S. Jaqypova birqatar áleýmettik jumyskerlerdi vedomstvolyq marapattarmen - «Áleýmettik-eńbek salasynyń ozaty» tósbelgisimen, QR DSÁDM maqtaý qaǵazdarymen jáne Alǵys hattarymen marapattady.
Aıta ketelik, elimizde Áleýmettik qorǵaý júıesi qyzmetkerleriniń kúni jyl saıyn qazan aıynyń sońǵy jeksenbisinde toılanady.
Almatyda áleýmettik qorǵaý jumystary tórt mekememen - Almaty qalasy ákimi apparatynyń qurylymdyq bólimsheleri - Jumyspen qamtý jáne áleýmettik baǵdarlamalar basqarmasy, Memlekettik Eńbek ınspektsııasy jáne kóshi-qon basqarmasy, Qazaqstan Respýblıkasynyń Densaýlyq saqtaý jáne áleýmettik damý mınıstrliginiń qurylymdyq bólimsheleri - Almaty qalasy boıynsha baqylaý jáne áleýmettik qorǵaý departamenti jáne Zeınetaqy tóleý jónindegi memlekettik ortalyqtyń Almaty qalalyq fılıalymen júzege asyrylady.