Almatyda áleýmettik ınfraqurylymdy damytý úshin jer satyp alýǵa májbúrmiz – Erbolat Dosaev
Almaty qalasy Kásipkerler palatasy janyndaǵy Óńirlik keńestiń tóraǵasy Maksım Baryshev megapolıske qosylǵan jańa aýdandarda kóptegen sharýa qojalyqtarynyn jeri bar ekenin aıtty. Bul jerler nysanaly maqsatqa baǵyttalǵan, sony ózgertý kerek.
«Almaty qalasy ákimdiginiń memlekettik jer qory nólge teń. Áleýmettik ınfraqurylymdy damytý úshin jer satyp alýǵa májbúrmiz. Qalanyń bas jospary 2002 jyly qabyldanǵan. Sodan beri qalanyń aýmaǵy birneshe esege ulǵaıdy, tek ETJJ (egjeı-tegjeıli josparlaý jobasy) ǵana ózgerdi. Eger biz josparlaǵandaı, qalanyń bas jospary bolmasa, bul máseleler qala beredi. Bul qujat, kodeks, soǵan sáıkes qala damýy kerek. Negizdi aryzdar men shaǵymdar bar, biraq men kóp sheshim qabyldaı almaımyn. Kásipkerler bizge kópqabatty turǵyn úı salý úshin arnaıy maqsatpen keledi, alaıda ınfraqurylym joq. Osy sebepti biz qazir jer telimderin, ınfraqurylym jelilerin, taǵy basqasyn tolyq túgendeý jumystaryn júrgizip jatyrmyz. Biz aldymen qujat qabyldaýymyz kerek, soǵan sáıkes ázirleımiz. Qalanyń úzdik jobalaryn qabyldaý úshin jer aýktsıondaryn da, sáýlet baıqaýlaryn da ótkizýge daıynmyn. Alaıda olardy qalaı júrgizý kerektigin eshkim bilmeıdi, sondyqtan qazir osy baǵytta jumys istep jatyrmyz», - dep jaýap berdi Erbolat Dosaev.
Almaty ákimi qaladaǵy jerdiń basym bóligi jeke tulǵalarǵa tıesili ekenin atap ótti.
«Men zań aıasynda jumys isteýge, jerdi qala resýrsyna qaıtarý úshin sheshimder izdeýge daıynmyn. Memleket basshysy JEO-2 janynan 104 gektar jerdi satyp alý týraly ótinishimdi qoldady», - dep qosty qala ákimi.
