Almatyda áleýmettik ıdeıalar men jobalar jármeńkesiniń jeńimpazdary anyqtaldy
ALMATY. Naýryzdyń 19-y. QazAqparat /Názıra Eleýhan/ - Búgin Almatyda «Intellektýaldy jasampaz qoǵam: bilim jáne jańa tehnologııalar» degen atpen ótken áleýmettik ıdeıalar men jobalar jármeńkesiniń eń úzdik jobalary anyqtaldy,
dep habarlaıdy QazAqparat.
"Ekspertti komıssııa baǵalap, saraptaýda jobalardyń áleýmettik mańyzdylyǵyna, ózektiligine, ekonomıkalyq laıyqtylyǵyna, ınnovatsııalyq tehnologııalardyń qoldanylýyna mán berdi", dedi QR Tuńǵysh Prezıdenti qorynyń atqarýshy dırektorynyń orynbasary Sergeı Tohtarov. Onyń aıtýynsha, "Bilim jáne qoǵam" atalymyna-53 joba, "Mektepke deıingi bilim berýdegi ınnovatsııalyq tehnologııalar"atalymyna - 44 joba, "Oqý ádistemelik jáne bilim berý ádebıetteri" atalymyna -45 joba usynylǵan. "Barlyq jobalar jármeńke uranyna laıyqty boldy", dep atap ótti S. Tohtarov.
QR Tuńǵysh Prezıdenti qory eń úzdik dep tanylǵan 29 jobany qarjylandyratyn boldy.
«Bilim júıesiniń ınnovatsııalyq damýy» atalymynda 4 jeńimpaz, 5 úzdik joba «Bilim jáne qoǵam» atalymynda, 2 jeńimpaz "Mektepke deıingi bilim berýdegi ınnovatsııalyq tehnologııalar"atalymynda ataldy. Al, "Bilim, ǵylym jáne óndiris" atalymynda bir joba eń úzdik dep tanyldy. "Daryndy balalar bilim berý qoldaýy" atalymynda 5 úzdik joba, "Oqý ádistemelik jáne bilim berý ádebıetteri" atalymynda - 8 jeńimpaz, al, "Bilim, densaýlyq, úndestik" atalymynda - 4 jeńimpazdyń jobalary úzdik dep tanyldy.
Qatysýshylardyń aıtýynsha, jármeńke taǵy da bir ret óziniń maqsatyn qýattady.
