Almatyda áleýmettik-ekonomıkalyq jaǵdaıdy turaqtandyrý úshin jedel shtab quryldy
ALMATY. QazAqparat – Almatyda Baqytjan Saǵyntaevtyń tapsyrmasy boıynsha áleýmettik-ekonomıkalyq jaǵdaıdy turaqtandyrý úshin jedel shtab quryldy, dep habarlaıdy QazAqparat tilshisi.
Jańadan qurylǵan shtab azyq-túlik baǵasyn ósirmeý, jumys ornyn saqtap qalý, turǵyndardyń áleýmettik jaǵynan az qamtylǵan bóligine qoldaý kórsetý boıynsha daǵdarysqa qarsy jospardy ázirleıdi jáne júzege asyrady.
Apta ishinde qala ákimi basqaratyn shtab daǵdarysqa qarsy jumys josparyn ázirleıtin bolady. Basty nazarda –áleýmettik jaǵynan az qamtylǵandarǵa qoldaý kórsetý, jumys ornyn qurý ári saqtap qalý,eńbekaqyny der kezinde tóleý, shaǵyn jáne orta bıznes pen ekonomıkanyń naqty sektoryna qoldaý kórsetý.
Sonymen qatar, barlyq áleýmettik mindettemeler oryndalatyn bolady. Abattandyrý, qurylys, jol, ınjenerlik jelilerdi jóndeý boıynsha ınfraqurylymdyq jobalar júzege asady. Bul – jumys oryndaryn saqtap qalýǵa yqpal etetin bolady. Bıýdjetti ońtaılandyrý maqsatynda áleýmettik emes, onyń ishinde ımıdjdik shyǵyndar qysqarady.
