Almatyda «Áleýmettik baǵdarlamalarǵa monıtorıng jáne baǵalaý» degen taqyrypta semınar bastaldy

Sharanyń uıymdastyrýshylary - Almaty qalasynyń Aqparat jáne saýda ortalyǵy, «Argo» azamattyq qoǵamdy damytý qaýymdastyǵy jáne Eýropalyq Odaqtyń Qazaqstandaǵy Ókildigi.

Semınarǵa ákimshilik departamentteriniń ókilderi, Almaty qalasy ákiminiń tusyndaǵy qoǵamdyq keńestiń músheleri, máslıhat depýtattary, ÚEU-nyń ókilderi men sarapshylar qatysýda.

Іs-sharanyń maqsaty- qoǵamdyq keńestiń qamqorlyǵymen qalalyq deńgeıdegi baǵdarlamalardy baǵalaý tehnologııasyn qalyptastyrý jáne qabyldaý bolyp tabylady.

Semınar barysynda Almaty qalasy Ákiminiń tusyndaǵy Qoǵamdyq Keńes qalalyq baǵdarlamanyń úsh komponentin baǵalaýdy júzege asyrady. Qoǵamdyq keńestiń bundaı fýnktsııasy qalalyq baǵdarlamanyń sapasyn arttyryp, jańa baǵdarlamalardy ázirleýde halyqtyń qajettilikterin eskeretin bolady.

«Bul jerde baǵalaý - baqylaý ınstıtýtynyń biri emes, kerisinshe damytýshy fýnktsııasyna qol jetkizedi. Ásirese, baǵdarlamany baǵalaý halyq pen jetekshi saraptamashylardy tartý arqyly, olardyń oı-pikirlerin bilý arqyly jasalsa, onda atalmysh shara oń nátıje bereri sózsiz»,-deıdi sharanyń uıymdastyrýshylary.

Qoǵamdyq keńes baǵalaýdyń nátıjelerin iske asyryp, qala deńgeıinde sáıkestendirilgen sheshim qabyldaıtyn bolady. Semınarda alynǵan iskerlik daǵdylardy qatysýshylar bolashaqta qoldanysqa engizedi.

Shara barysynda alǵash ret «2011-2015j.j. arnalǵan Almaty qalasyn damytý baǵdarlamalarynyń» úsh komponentin baǵalaýǵa baǵyttalǵan oqytý kesheni uıymdastyrylatyn bolady.

Semınar 16-shy qyrkúıekke deıin jalǵasady.