Almatyda áleýmettik ahýaly nashar otbasynan shyqqan talantty balalar men jetkinshekterge arnalǵan «Sýret óneri» stýdııasy ashylady
ALMATY. 28 mamyr. QazAqparat /Ádilet Musahaev/ - 30 mamyrda «Bóbek» Ulttyq ǵylymı-tájirıbelik, bilim berý jáne saýyqtyrý ortalyǵynda áleýmettik ahýaly nashar otbasynan shyqqan talantty balalar men jetkinshekterge arnalǵan «Sýret óneri» stýdııasynyń saltanatty ashylý rásimi ótedi.
9-15 jas aralyǵyndaǵy balalar qatysatyn stýdııany ashýdaǵy basty maqsat turmystyq jaǵdaıy nashar otbasynan shyqqan daryndy balalarǵa áleýmettik qoldaý kórsetý, izgi qundylyqtardy boılaryna sińirý arqyly óz derbestigin sanaly túsinýge jaǵdaı jasaý, beıneleý ónerine beıimdi jastardy tartý arqasynda shyǵarmashylyǵyn jetildirý, balalar shyǵarmashylyǵyna barsha qaýymdastyqtyń nazaryn aýdarý bolyp tabylady.
Stýdııanyń ashylýy balalar men jetkinshekterge sapaly bilim alýǵa jańa múmkindikter beredi. Beıneleý óneriniń jumysymen tanysqan bala boıyndaǵy darynyn jetildirýge, bilimin tereńdetýge jáne osy salada mol tájirıbe jınaqtaǵan has sheberlermen betpe-bet kezdesip tálim-tárbıe alýǵa jol ashpaq. Shara barysynda sondaı-aq sheberlik dáristeri, baıqaýlar, ekskýrsııalar men oıyn-saýyq baǵdarlamalary uıymdastyrylady.
Stýdııa jumysynyń qorytyndysy boıynsha úzdik dep tanylǵan jumystar negizinde kórme ótkiziledi. Eń úzdigin «Samopoznanıe. KZ» jýrnalynda jarııalap, www.bobek.kz saıtynda ornalastyratyn bolady.
