Almatyda álemniń soǵys oshaqtarynda túsirilgen foto sýretterdiń kórmesi ashyldy
ALMATY. Naýryzdyń 1-i. QazAqparat /Názıra Eleýhan/ - Búgin Almatyda Qazaq menedjment ekonomıka jáne boljaý ınstıtýtynda «Adamdar jáne soǵys» atty foto kórme ashyldy,
dep habarlaıdy QazAqparat.
Kórmege álemniń soǵys oshaqtarynda jumys istep jatqan halyqaralyq-jýrnalısterdiń Aýǵanstan, Pákistan, Iran, Horvatııa, Kosovo, Albanııa, Cheshenstan, Abhazııa, Ońtústik Osetııa, Beslanda túsirgen 283-ten asa jantúrshigerlik foto sýretteri qoıylǵan. Qoıylǵan sýretterdiń kópshiligi fotojýrnalıst -Eskendir Amanjolovtiki.
«Fotogallereıany uıymdastyrýdaǵy maqsatymyz - munda ilingen kórinisterdiń bizdiń elde bolmaýyn kórsete otyryp, jastarǵa bizdiń elimizdegi beıbitshiliktiń mańyzdylyǵyn jetkizý, ultaralyq janjaldyń nege ákeletinin túsindirý. Ár foto sýrette soǵystyń sumdyq shyndyqtary kórsetilgen. Biz osyndaı sharalar arqyly jastardy bizdiń elimizdegi beıbitshilik pen birlikti saqtaýǵa, baǵalaýǵa shaqyramyz», dedi stýdent suraqtary boıynsha keńseniń dırektory Maınur Topaeva.
Foto kórme naýryz aıynyń 3-ine deıin jalǵasady.
