Almatyda álemniń eń úzdik medıtsınalyq jabdyqtary kórsetildi
ALMATY. QazAqparat - Almatyda ótken Qazaqstannyń eń iri medıtsınalyq kórmesi - KIHE 2018 aıasynda 300 ge jýyq sońǵy úlgidegi tehnıkalar tanystyryldy, dep habarlaıdy QazAqparat tilshisi.
Almatyda medıtsına jáne farmatsevtıka ındýstrııasy mamandarynyń qatysýymen ótetin dástúrli kórme 2 kúnge sozylady. Munda zamanaýı múmkindikterge ıe dıagnostıkalyq jáne emdeý tehnologııalary tanystyrylady.
Kórmege elektrondy medıtsınalyq jabdyqtar men medıtsınalyq tehnologııalar, zerthanalyq quraldar, optıka jáne oftalmologııa, qutqarý jabdyqtary men jedel-járdem quraldary, ortopedııa jáne ońaltý, aýrýhanalar men sanatorıılerge, farmakologııaǵa arnalǵan 300-ge jýyq jabdyqtar qoıylǵan.
Sondaı-aq, KT men MRT apparatany aýystyra alatyn zamanaýı ÝDZ jabdyǵy tanystyryldy.
Adamnyń búkil aǵzasyn - kóz, mı, tamyr ishki organdardyń barlyǵyn zertteýge múmkindik beredi.
Kópshiliktiń nazaryn Koreıada jasalǵan lor kombaıny aýdardy. Bul Lor dárigeriniń jumysyn jeńildetetin birden-bir apparat. Qulaq , muryn, tamaq aýrýlarynyń dıagnostıkasyn jasaýda ári emdeýde óte qajetti aparat.
Lor kombaınnyń kómegimen Fızıoterapevtıkalyq modýlmen emdeý jumystaryn júrgizýge bolady. Munyń kómegimen muryn qýysy, qulaq joldaryn tazalaýǵa bolady.
Otandyq ónim bolyp sanalatyn tósek travmotologııalyq jaraqattardy emdeýge arnalǵan. Bul tósektiń naýqas úshin tıimdiligi sol, onyń otyrýyna jaǵdaı jasaı alatyn arqa bóligi men tizesin búgýge qolaıly tómengi tusy ıilgish keledi.
Shala týylǵan nárestelerge arnalǵan ınkýbator sábıdi óz anasynyń qursaǵyndaǵydaı atmosferaǵa bóleı alady. Elimizdiń kóptegen perınatologııalyq ortalyqtarynda kezdesetin bul apparat kópshilik tarapynan maqtaýǵa ıe bolǵan.
Aıta keteıik, kórmege álemniń 17 elinen 170 kompanııa qatysty. Olar Ulybrıtanııa, Germanııa, Úndistan, Iordanııa, Qazaqstan, Qytaı, Koreıa, Latvııa, Polsha, Reseı, Taıland, Túrkııa, Ózbekstan, Ýkraına, Frantsııa jáne Chehııa elderiniń tanymal óndirýshileri bolyp tabylady. 
Avtory: Araılym Joldasbaeva
