Almatyda álemniń ár elinen kelgen kardıologtar júrek-tamyr aýrýlaryn dıagnostıkalaý men emdeýdegi jańa ádisterdi talqylaýda
Atalǵan sharalar aıasynda alys jaqyn shetelderdegi kardıologtar negizgi júrek-tamyr aýrýlaryn emdeý men dıagnostıkalaýdaǵy jańa tásilderdi talqylaıtyn bolady.
Shara uıymdastyrýshylary: QR DSÁDM Kardıologııa jáne ishki aýrýlar ǵylymı-zertteý ınstıtýty, Qazaqstan Respýblıkasy Kardıologtarynyń assotsıatsııasy, Qazaqstan arıtmologtary qoǵamy, Interventsııalyq kardıologtar jáne rentgenhırýrgtardyń qazaqstandyq qoǵamy.
Forýmǵa Nemis kardıologtary qoǵamynyń prezıdenti Karl-Haınts Kýkk, Túrik áleminiń kardıologtary assotsıatsııasynyń prezıdenti Mahmýd Shahın, Reseı kardıologtary qoǵamynyń prezıdenti Evgenıı Shlıahto, DDSU-nyń QR-daǵy ókili Melıta Výınovıch, QR kardıologtary assotsıatsııasynyń prezıdenti Sálim Berkinbaevtyń jáne t.b. qatysty. Sonymen qatar, sharaǵa elimizdiń barlyq aımaǵyndaǵy densaýlyq saqtaý basqarmalarynyń basshylary, bas mamandar, kardıologtar, arıtmologtar jáne ınterventsııaly kardıologtar, barlyǵy 400 adam shaqyryldy.
4 kúnniń ishinde ǵalymdar men dárigerler kardıologııalyq qyzmetti uıymdastyrýdyń máselelerin, ınterventsııalyq kardıologııa, klınıkalyq elektrofızıologııa jáne ınterventsııalyq arıtmologııanyń damýyn, negizgi júrek-tamyr aýrýlaryn dıagnostıkalaý men emdeýdiń jańa tásilderin, sondaı-aq negizgi kardıologııalyq aýrýlardy ońaltý jáne aldyn alý máselelerin talqylaıtyn bolady.
15 jáne 17 maýsymda QR DSÁDM Kardıologııa jáne ishki aýrýlar ǵylymı-zertteý ınstıtýty jáne Qalalyq kardıologııalyq ortalyqtyń negizinde sheberlik-klastar ótkiziletin bolady.
Sonymen qatar, dárilik zattar, dıagnostıkalyq emdeý quraldary, zamanaýı aqparattyq tehnologııalar men medıtsınalyq mamandandyrylǵan basylymdardyń kórmesi ótkiziledi.
Forým aıaqtalǵannan keıin respýblıkadaǵy kardıologııalyq jáne terapevtik qyzmetti jetildirýdiń joldaryn anyqtaıtyn qarar qabyldaý josparlanyp otyr.