Almatyda «Álemdik jahandaný jaǵdaıyndaǵy ýnıversıtetterdiń aqparattandyrylýy» taqyrybynda halyqaralyq semınar ótip jatyr

Sharanyń maqsaty - semınar múshelerin bilim berý men zertteý jumystarynyń jahandaný kontekstinde joǵarǵy oqý ornyn basqarýdyń aqparattyq-kommýnıkatsııalyq ortasynyń múmkindikterimen tanystyrý.

Tehnologııalyq damý jáne qazirgi aqparattyq-kommýnıkatsııalyq tehnologııalardy qoldaný deńgeıi qoǵam damýynyń basty sharty bolyp tabylady jáne onyń zııatkerliginiń, jańa bilim berý jáne bilim alý qabiletiniń ólshemi. Birtutas aqparattyq-bilim berý keńistigin qalyptastyrý - ekonomıkanyń, ǵylymnyń jáne mádenıettiń jedel damýyn anyqtaıtyn basty sharttarynyń biri. Bul úrdiste jańa aqparattyq jáne telekommýnıkatsııalyq tehnologııalardy bilim berý ortasynda keńinen qoldanýdy, oqý úrdisin avtomattandyrýdy, elektrondy oqytý júıesin engizýdi (e-learning) josparlaıtyn bilim berý júıesin aqparattandyrý mańyzdy ról atqarady.

Semınar barysynda T.Rysqulov atyndaǵy QazEÝ-diń birtutas elektrondy bilim berý, aqparattyq-kommýnıkatsııalyq jáne ákimshilik-basqarý ortasyn qalyptastyrý jónindegi atalǵan ýnıversıtet pen Álemdik ekonomıka jáne qarjy ınstıtýtynyń (Astrahan qalasy, Reseı) birlesken jobasy - «QazEÝ-ELEX» halyqaralyq jobasynyń ashylý saltanaty boldy.

Elimizdiń 42 joǵary oqý orynynyń rektorlary men QR BǴM ókilderi, sheteldik sarapshylar qatysyp otyrǵan bul jıynda joǵary oqý ornyndaǵy bilim jáne Qazaqstan ǵylymyn modernızatsııalaý jáne damytýdyń ózekti máseleleri boıynsha usynystardy talqylaý jáne qabyldaý bolmaq. Sonymen qatar qatysýshylardy álemdik ǵylym jáne bilimniń jahandaný jaǵdaıynda joǵarǵy oqý ornynyń negizgi baǵyttaryn jetildirýdi ınnovatsııalyq jabdyqtaý barysymen tanystyrylady.