Almatyda álem elderiniń ǵalymdary bedeýlik máselelerin talqylaýda
ALMATY. QazAqparat-Almatyda bedeýlikti emdeýdiń máseleleri talqylanýda, dep habarlaıdy QazAqparat tilshisi.
«Bedeýlikti emdeýdiń zamanaýı ádisteri. KRT: Bolashaǵy men qaziri» atty XІ halyqaralyq kongres jumysyna Belarýs, Belgııa, Ulybrıtanııa, Germanııa, Izraıl, Ispanııa, Italııa, Úndistan, Qyrǵyz Respýblıkasy, Qazaqstan, Reseı, AQSh, Ózbekstan, Ýkraına men Tájikstannyń reprodýktıvtik tehnologııalar salasynyń jetekshi mamandary – akýsher-gınekolog dárigerleri, EKU ortalyqtarynyń ókilderi, andrologtar, bedeýlikti emdeıtin endokrınologtar, genetıkter men molekýlıarly bıologtary qatysyp jatyr.
«Bedeýlik bul dúnıejúzilik problema. Búginde elimizdegi bedeýlik jıiligi ortasha alǵanda 15 paıyzǵa jetip, odan azaımaı otyr. Olardyń basym bóligi kómekshi reprodýktıvti tehnologııalarǵa muqtaj. Osy halyqaralyq forýmda mamandar bedeýliktiń damýyna ákeletin aýrýlardyń aldyn alý, bedeý nekeni dıagnostıkalaý men emdeý. Áleýmettik ádilettilikti jáne halyqtyń áleýmettik az qamtylǵan toptaryna qoldaý kórsetý sııaqty máselelerdi talqylaıdy»,- deıdi Qazaqstan Reprodýktıvti medıtsına qaýymdastyǵynyń prezıdenti Vıacheslav Lokshın.
Jyl saıyn Qazaqstanda kómekshi reprodýktıvti tehnologııalardyń arqasynda 2500 dúnıege keledi.
«Jalpy, bizdiń elde kómekshi reprodýktıvti tehnologııalardyń kómegimen 18200 bala dúnıege keldi. Osy jol arqyly bala súıgisi keletinder barshylyq. Bizde memleketten beriletin kvotaǵa kezekte turǵandar óte kóp. Bizge 8 myń kvota qajet. Ázirge jylyna 1500 kvota alyp otyrmyz», dedi Vıacheslav Lokshın
Forým barysynda, álemniń 18 elinen kelgen 700-den astam qatysýshy, spıkerler, jetekshi ǵalymdar men praktıkter ózara tájirbıe almasyp, ortaq problemany sheshýdiń joldaryn qarastyrdy.
Sonymen qatar, shara eńberinde 50 astam jetekshi medıtsınalyq tehnıka men dárilik zattardy óndirýshilerdiń jáne Qazaqstanda belgili QRT klınıkalarynyń qatysýymen reprodýktıvti medıtsınaǵa arnalǵan kórme uıymdastyryldy.
Halyqaralyq kongress jumysy eki kúnge sozylady.
