Almatyda Aleksandr Nevskııge eskertkish ornatyldy

ALMATY. QazAqparat – Búgin Qazaqstannyń Pravoslavıe Shirkeýi Qazaqstan Mıtropolıttik okrýginiń qurylǵanyna 20 jyl tolýyn jáne Qazaqstan Respblıkasy men Reseı Federatsııasy arasyndaǵy tatý kórshilik týraly shartqa qol qoıylǵanyna 10 jyl tolýyn atap ótti, dep habarlaıdy QazAqparat Almaty qalasynyń ishki saıasat basqarmasyna silteme jasap.

Osy mereıtoılyq kúnderdiń qurmetine Aleksandr Nevskıı soborynyń aýmaǵynda Reseıdegi áýlıeler sanatyna jatatyn jáne eýrazııalyq keńistik halyqtary arasyndaǵy baılanystardy ornatýǵa jáne slavıan men túrki halyqtary arasyndaǵy tatý kórshilik qatynastardy damytýǵa eleýli úles qosqan knıaz Aleksandr Nevskııge eskertkish ornatyldy.

Kishipeıil taqýa, dinı senim qamqorshysy, beıbitshilik pen kelisimniń habarshysy retinde beınelengen, qoladan quıylǵan Aleksandr eskertkishiniń qolynda Aspan patshaıymynyń ǵajaıyp ıkonasy bar.

Ataýly oqıǵaǵa oraı, Qazaqstan Respýblıkasynyń Prezıdenti Qasym-Jomart Toqaev, Reseı Federatsııasynyń Prezıdenti Vladımır Pýtın, Máskeý jáne Búkil Reseı Patrıarhy Kırıll óz quttyqtaýlaryn joldady. Eki eldiń kóshbasshylary Knıaz Aleksandrdyń izgi mıssııasy men bitimgershilik kúsh-jigerin, onyń Eýrazııa keńistiginde ultaralyq jáne dinaralyq ózara is-qımyldy damytýǵa qosqan úlesin erekshe atap ótti.

Іs-sharaǵa dástúrli konfessııalardyń jetekshileri, Qazaqstan men Reseıdiń qoǵam jáne saıası qaıratkerleri, Qazaqstan Pravoslavıe Shirkeýiniń arhıpastyrleri qatysty.