Almatyda aldyńǵy urpaq ókilderiniń «Baqyt saıabaǵy» merekesi ótýde
ALMATY. Qazannyń 16-sy. QazAqparat /Erbol Turymbetov/ - Búgin Almatydaǵy «Femılı» parkinde Áýezov aýdany ákimi apparaty qart adamdar aılyǵy aıasynda «Baqyt saıabaǵy» merekesin ótkizip jatyr.
Onda egde jastaǵylar bir-birimen áńgime shertip, ózderiniń jastyq shaqtaryn eske alady. Súıikti ánderiniń yrǵaǵymen bı bılep, baıan áýenimen retro-ánder oryndaıdy. Sharany odan ármen aýdandaǵy joǵary, orta jáne arnaıy oqý oryndary jastarynyń «Stýdentter dostastyǵy» atty bı keshi jalǵastyrady.
Sonymen birge, bul jerde stýdentterdiń «Biz - esirtkige qarsymyz» jáne «Jemqorlyqqa jol joq» atty aktsııalary ótýde. Onan soń apta boıy ótken mını-fýtbol, «HHІ ǵasyr kóshbasshysy» ınttellektýaldyq oıyny jáne qazaqsha KTK oıyndarynyń jeńimpazdaryn marapattaý rásimi bolady.
