Almatyda aldyńǵy oryndyqqa eki balany otyrǵyzyp alǵan júrgizýshi jazalandy
ALMATY. QazAqparat – Almatyda kólik júrgizýshisi eki balany aldyńǵy oryndyqqa otyrǵyzyp, olarǵa qaýipsizdik beldigin taqpaǵan. Al ózi uıaly telefonmen sóılesken, dep habarlaıdy QazAqparat tilshisi.
Áleýmettik jelide er adamnyń kámeletke tolmaǵan eki balany kóliktiń aldyńǵy oryndyǵyna arnaıy qurylǵysyz otyrǵyzǵany jáne ózi jol ústinde telefonmen sóılesip kele jatqany jónindegi vıdeo tarady.
«Oqıǵa Shalıapın kóshesiniń boıynda shyǵys baǵytta bolǵan. Quqyq buzýshynyń jeke basy anyqtaldy, ol 1995 jyly týǵan azamat R. bolyp shyqty. Jol talǵamaıtyn kólik júrgizýshisi QR Jol júrý erejesiniń 7.2. jáne 2.4.9. erejelerin buzǵany úshin ákimshilik jaýapkershilikke tartyldy»,– dedi Almaty qalalyq jergilikti polıtsııa qyzmeti basqarmasynyń bastyǵy Manap Sattarov.
