Almatyda aldaǵy úsh kún ystyq bolady
ALMATY. QazAqparat - «Qazgıdromet» mamandary aldaǵy kúnge arnalǵan aýa raıy boljamyn jarııalady, dep habarlaıdy QazAqparat tilshisi.
Qazaqstan terrıtorııasynyń basym bóliginde Batys antıtsıklonymen jaýyn-shashynsyz aýa raıy saqtalady.
Sınoptıkterdiń boljamy boıynsha, Qazaqstannyń kóptegen aımaǵynda kún ysıdy.
«Eldiń batysynda kún 39 ° S deıin ysıdy. Ońtústik jáne Shyǵys Qazaqstanda aýa temperatýrasy 40 ° S deıin kóteriledi», - dep habarlady «Qazgıdromet « RMK.
Almatyda aldaǵy úsh kúnde kóshpeli bult shyǵady. Aýa temperatýrasy túnde 16-18 jyly, kúndiz 32 ° S ystyq bolady.
Kúndiz Qyzylorda, Atyraý, Batys Qazaqstan, Aqtóbe, Qostanaı, Aqmola, Soltústik Qazaqstan, Pavlodar, Qaraǵandy oblystarynda qatty ystyq kútiledi.
Qyzylorda, Aqtóbe, oblystarynyń basym bóliginde, Shyǵys Qazaqstan oblysynyń keı jerlerinde, Almaty, Jambyl, Atyraý, Qostanaı, Pavlodar, Qaraǵandy oblystarynyń jekelegen aýdandarynda óte joǵary órt qaýpi kútiledi.
