Almatyda aldaǵy demalys kúnderi tuman túsip, kóktaıǵaq bolady
ALMATY. QazAqparat - Almatyda aldaǵy senbi, jeksenbi kúnderi tuman men kóktaıǵaq kútiledi, dep habarlaıdy QazAqparat tilshisi.
Almaty qalasy tótenshe jaǵdaı departamentiniń baspasóz qyzmetinen málim etkendeı, «Qazgıdromet» respýblıkalyq kommýnaldyq kásiporny qalada eskertý jarııalaǵan.
Sol eskertý negizinde Almatyda 12 aqpanda tańerteń jáne kúndiz, 13 aqpanda táýlik boıy tuman men kóktaıǵaq kútiledi.
«Al Almatynyń taýly aımaqtarynda 12 aqpanda – qalyń qar jaýyp, keı jerlerde tuman túsedi, kóktaıǵaq kútiledi. Batystan soǵatyn jel ekpini 12 aqpanda keı jerlerde sekýndyna – 23-28 metrge deıin kúsheıedi», - delingen habarlamada.
