Almatyda aldaǵy demalys kúnderi qoǵamdyq kólik júrmeıdi
ALMATY. QazAqparat— Almatyda aldaǵy demalys kúnderi qoǵamdyq kólikter júrmeıdi, ıaǵnı avtobýstar men metro jumysy toqtatylady. Bul týraly Jandarbek Bekshın málim etti, dep habarlaıdy QazAqparat tilshisi.
«Demalys jáne mereke kúnderi qoǵamdyq kólikterdiń jumysyn toqtatamyz. Bul Almaty qalasy «qyzyl» aımaqtan shyqqanǵa deıin bolady. Bul negizgi epıdemııaǵa qarsy sharalardyń biri. Mundaǵy maqsatymyz - indettiń aldyn alý jáne keń taralýyn boldyrmaý»,-deıdi ol.
Aıta ketý kerek, 10 naýryzda Almaty qalasy koronavırýs boıynsha «qyzyl» aımaqqa engen bolatyn. Qalanyń Bas memlekettik sanıtarlyq dárigeri Jandarbek Bekshın jańa qaýly shyǵardy. Oǵan sáıkes demalys kúnderi, ıaǵnı, senbi jáne jeksenbi kúnderi qalada sport keshenderi, sporttyq-saýyqtyrý ortalyqtary men fıtnes-ortalyqtar, sondaı-aq, saýda, oıyn-saýyq ortalyqtary, saýda úıleri men saýda jelileriniń qyzmetine tyıym salynǵan.
Ashyq bazarlarǵa (azyq-túliktik, azyq-túliktik emes) tek jeksenbide jumys isteýge tyıym salyndy. Sýpermarketter men gıpermarketterdiń ýaqyty saǵat 06:00-den 02:00-ge deıin shekteldi.
