Almatyda aldaǵy 5 jylda avtokólikterdiń 10 paıyzy gazben júretin bolady - Altaı Rahymbetov
ALMATY. 18 tamyz. QazAqparat /Erlik Erjanuly/ - Almatyda 2012-2013 jyldary janarmaımen júretin kommýnaldyq kólikter gazǵa kóshiriledi.
Bul másele Almatyda ótip jatqan "Kólik tabıǵı gazben - Qazaqstan" dep atalatyn 2 kúndik forýmda talqylanýda.
"Buǵan deıin biz mundaı forýmdy amerıkandyq, koreıalyq kompanııalarmen ótkizgen edik. Endi Azııalyq seriktestermen birlesip uıymdastyryp otyrmyz. Azııalyq ınvestorlar avtokólikterdi tabıǵı gazǵa kóshirýdegi óz tehnologııalaryn usynýda. Buǵan deıin biz respýblıka boıynsha birinshi ret Almatyda ilki joba júzege asyryldy. Qazirgi tańda bizde gazben jumys isteıtin avtobýstary bar mýnıtsıpaldy avtobýs parki bar. Aldaǵy jyldary qaladaǵy 4-5 myń kommýnaldyq kólikti gazben jumys isteýge kóshiremiz", - deıdi Almaty qalasynyń Tabıǵı resýstar men tabıǵatty retteý basqarmasynyń bastyǵy Altaı Rahymbetov. Onyń aıtýynsha, qalalyq ákimdik qoǵamdyq jolaýshylar tasymaldaý baıqaýlarynda kommýnaldyq kólikterdi gazǵa kóshirýge aıryqsha mán beredi. Qazirdiń ózinde qorshaǵan ortany lastaýda tabıǵı gazdy qoldanatyn kólikterdiń aıyppuldary dızel otynyn qoldanýshylardan 2 ese, al benzındi paıdalanýshylardan 1,5 ese kem. Endi aldaǵy 5 jylda qaladaǵy kólikterdiń 10 paıyzyn gazǵa kóshirý josparlanyp otyr. Qazirgi tańda Almatyda avtokólikterge gaz quıatyn 1 stansy bar. Endi "QazTransGazben" taǵy gaz quıý stansylarynyń qurylysy júrgizilýde. Sondaı-aq 5 gaz quıý stansysyna jer telimin berý qaralýda.
