Almatyda aldaǵy 3 jyldyń ishinde jańadan 19 mektep salynady - Bilim basqarmasynyń bastyǵy
ALMATY. 24 qańtar. QazAqparat /Erlik Erjanuly/ - Bilim basqarmasynyń bastyǵy Rahat Seıdahmetqyzynyń aıtýynsha, Almatyda qazirgi tańda 542 bilim berý mekemesi bar. Bul týraly búgin qalanyń 2010 jylǵy áleýmettik-ekonomıkalyq damýynyń qorytyndysyna arnalǵan májiliste aıtyldy.
"Almatydaǵy bilim berý mekemeleriniń 224-i - mektepter. Olardyń 181-i - memlekettik, 43-i - jekemenshik. Memlekettik mektepterdiń 76-sy- orys, 52-si - aralas, 50-i - qazaq, úsheýi uıǵyr tilinde dáris beredi", - deıdi Rahat Shımasheva.
Bilim basqarmasy bastyǵynyń aıtýynsha, jalpy bilim berý mekemelerinde 300 myńnan astam bala oqıdy. Olarǵa 22 543 pedagog tálim etýde. 2011-2013 jyldarǵa arnalǵan bilim berý baǵdarlamasy boıynsha jańadan 73 qurylys nysany salynbaq. Onyń 19-y - mektep, bireýi - balalar shyǵarmashylyq úıi, ekeýi - kásiptik mektep, 42-si - balabaqsha, 9-y - qaıta jańǵyrtý qurylystary bolmaq.
