Almatyda alaıaqtyqpen aınalysqan akter ustaldy
ALMATY. QazAqparat - Almaty polıtsııasy alaıaqtyq árekettermen aınalysqan akterdi ustady. Bul týraly qalalyq Polıtsııa departamentiniń baspasóz qyzmeti habarlady.
Polıtsııanyń málimetine qaraǵanda, 21 jastaǵy jigit buryn da isti bolǵan.
«Polıtsııaǵa jasópirimderdiń, mektep oqýshylarynyń ata-analary shaǵymdana bastaǵan. Bir jaǵdaıda ol vıdeo júktep alamyn degen jeleýmen 15 jastaǵy oqýshydan noýtbýk alyp shyǵýyn suraǵan. Osylaısha balany aldap dúkenge kirip ketip, dúkenniń arǵy esiginen shyǵyp ketken. Noýtbýkty 15 myń teńgege satyp jibergen. Taǵy birde qyz balanyń telefonyn aldap alyp ketken», - dedi Áýezov aýdandyq polıtsııa basqarmasynyń bólimi basshysy Dıdar Ahanov.
Qazir atalǵan derekke baılanysty QR QK 190-babynyń 2-bólimi, 2-tarmaǵymen qylmystyq is qozǵaldy.
«Osyndaı quqyqbuzýshylyqtan japa shekken azamattar bolsa 298-53-70; 298-53-71, 298-53-72 telefondaryna habarlasýyn suraımyz.
Aıta ketý kerek, bul jigit buryn eki ret dramalyq kınoda oınaǵan akter bolyp shyqty», - dedi Dıdar Ahanov.
