Almatyda alaıaqtyq jolmen akkaýnt satqan er azamat ustaldy

ALMATY. QazAqparat - Almaty polıtsııasy Instagram áleýmettik jelisinde akkaýnt satqan alaıaqty ustady. Ol adamdardyń senimine kirip, usynǵan qyzmeti úshin aqsha alyp otyrǵan, dep habarlaıdy QazAqparat tilishisi.

«Áýezov aýdandyq polıtsııa bóliminiń tergeý bólimshesi 1995 jylǵy M. atty azamatqa qatysty alaıaqtyq faktisi boıynsha tergeý materıaldaryn zerttep jatyr, ol áleýmettik Instagram jelisi arqyly ártúrli qyzmet túrlerine arnalǵan akkaýnttardy arzan baǵamen satyp kelgen. Klıentterge ýaqytsha parol berip, árqaısynan poshta arqyly 100 myń teńgeden alǵan. Sodan keıin, parolderdi qalpyna keltirip, klıentterdi buǵattap tastaǵan. Keıin bul isterge eshqandaı qatysy joqtyǵyn aıtyp aqtalǵan. Kúdiktiniń quryǵyna 10-nan astam adam túsip, aldanǵan.

Kúdiktige qatysty QR QK 190-babyna sáıkes aldyn ala tergeý júrgizilýde. Qazir ol Almaty qalasyndaǵy ýaqytsha ustaý ızolıatorynda otyr. Osy adamnyń qylmystyq áreketterine kýá bolǵan nemese aldanǵan azamattar bolsa myna telefondar arqyly habarlasyńyz: 298-53-00; 298-53-01; 298-53-05 jáne 8-775-728-50-55», - deıdi Áýezov aýdany ІІB bastyǵynyń birinshi orynbasary Jasulan Turyspaev.