Almatyda alaıaqtyq jasaǵan dáriger ustaldy
ALMATY. QazAqparat - Almaty polıtsııasy patsıentterden túsken kóptegen aryz-shaǵymdardy teksere kele, eks-dárigerdi ustady, dep habarlaıdy QazAqparat tilshisi.
Burynǵy medıtsınalyq qyzmetker adamdarǵa emdelýge kvota alyp beremin dep aldap, aqshalaryn qoldy qylǵan.
«34 jastaǵy medıtsına salasynda qyzmet etetin er adam kvota alyp beremin degen ýádemen adamdardan aqsha alyp ketken. Kvota arqyly naýqastar tegin em qabyldaı alatynyn aıta ketý kerek. Biraq belgili bolǵandaı, naýqastarǵa ol kvota alýǵa múmkindik beretin nusqaýlyqtar jazyp bermegen. Bul kisi 4 adamdy osylaı óz qarmaǵyna túsirgen. Ońaı aqsha tabý joly arqyly ol tek qana naýqastardy ǵana emes, úı satyp alǵysy keletin adamdardy da aldaǵan. Dostary men týysqandarynyń tanystaryna úı alýdyń kezegin jyldamdatýǵa ýáde etken. Sonymen qatar, ol ózimen birge jumys istegen qyzmettesterine de medıtsınalyq qurylǵylar men apparattardy tómen baǵamen satyp alýǵa sóz bergen. Qazirgi tańda onyń 13 túrli alaıaqtyq qylmysqa qatysy bary anyqtaldy. Osyǵan baılanysty QR QK 190-baby boıynsha tergeý amaldary júrip jatyr», - dedi Bostandyq aýdany Polıtsııa basqarmasynyń basshysy Dáýren Ýtebaev.
Al Polıtsııa kvota emhanalar men aýrýhanalarda bıýdjettik qarajat arqyly jasalyp, memleketten tegin medıtsınalyq kómek aıasynda beriletinin eskertti.
